Concludiamo con una poesia di Roberto Puliero, pubblicata su “Verona Fedele” del 18-1-2015.
Giusto diese mesi fa
i annunciava con clamore:
“Ecco il filobus ch’è pronto …
manca ormai solo il colore”
E l’istà i avea zontàdo:
“Certo partirà in settembre!”
… ma nissuno mai l’ha visto
anca s’è passà dicembre!
E i n’ha fato altri proclami
de le feste sul più bello:
“Sarà il bus, nell’anno nuovo,
il nostro fiore nell’occhiello!”
L’Assessore con gran pompa
anca presentà el l’avea,
abbracciàdo ne la foto
al modèl nomà “Citea” …
con “magnetica la guida”!,
“vincolata” o zo de lì …
dèsso riva la notissia
che la Ditta … l’è falì!
“Ben, l’è istesso – dise Corsi –
Chieti, dai, gnente patèmi!
Vedarè che in du e du quatro
risolvem tuti i problemi!”
E riparte la rosaria
dei modelli più impensati,
che’l progresso ne regala
tuti quanti accessoriati!
Se pol farli ultramoderni!,
con tiràche o anca sensa!
… se te casca po’ le braghe
ben, va là, porta passiensa!
Con “baterie ricaricabili”!,
sconte ben soto’l sedile …
bastarà solo ogni tanto
andar zo a cambiar le pile!
O con l’olio de la consa!,
quelo de le patatine …
spussa d’oio a le fermate …
ma col saor de le festine!
In sto novo calderon
de promesse e de proclami
che sul filobus ‘gni giorno
i ne dispensa a piene mani,
una roba sol sicura
n’è restà da digerir:
che l’è ‘l filobus in ritardo
prima ancora de partir!
Progetto Verona Blog 